Sfu vs miny

அமெரிக்காவில் தொடங்கப்பட்டுள்ள மேஜர் லீக் டி20 கிரிக்கெட் தொடர் ரசிகர்களிடையே வரவேற்பை பெற்றுள்ளது. இதில் இன்று நடைபெற்ற இரண்டாவது லிக் போட்டியில் எம்ஐ நியூயார்க் - சான்பிரான்ஸிகோ யுனிகார்ன்ஸ் அணிகள் பலப்பரீட்சை நடத்தின. இப்போட்டியில் டாஸ் வென்ற சான்பிரான்ஸிகோ அணி பேட்டிங் செய்வதாக அறிவித்தது.

இதையடுத்து களமிறங்கிய சான்பிரான்ஸிகோ அணிக்கு எதிர்பார்த்த தொடக்கம் கிடைக்கவில்லை. அணியின் டாப் ஆர்டர் வீரர்கள் மேத்யூ வேட், ஃபின் ஆலன், மார்கஸ் ஸ்டொய்னிஸ், ஆரோன் ஃபிஞ்ச் ஆகியோர் சொற்ப ரன்களுக்கு ஆட்டமிழந்து பெவிலியனுக்கு திரும்பினார். பின்னர் ஜோடி சேர்ந்த கோரி ஆண்டர்சன் - ஷதாப் கான் இணை அதிரடியான ஆட்டத்தை வெளிப்படுத்தி அணியின் ஸ்கோரை உயர்த்தினர்.