Glenn phillips
LPL 2024: ரைலீ ரூஸோவ் மிரட்டல் சதம்; கொழும்பு ஸ்டிரைக்கர்ஸை பந்தாடியது ஜாஃப்னா கிங்ஸ்!
விறுவிறுப்பாக நடைபெற்று வரும் ஐந்தாவது சீசன் லங்கா பிரீமியர் லீக் தொடரில் இன்று நடைபெற்ற 13ஆவது லீக் ஆட்டத்தில் கொழும்பு ஸ்டிரைக்கர்ஸ் மற்றும் ஜாஃப்னா கிங்ஸ் அணிகள் பலப்பரீட்சை நடத்தின. இப்போட்டியில் டாஸை இழந்து முதலில் பேட்டிங் செய்த கொழும்பு ஸ்டிரைக்கர்ஸ் அணிக்கு ரஹ்மனுல்லா குர்பாஸ் மற்றும் ஏஞ்சலோ பெரேரா இணை அதிரடியான தொடக்கத்தைக் கொடுத்ததுடன் அணிக்கு தேவையான அடித்தளத்தையும் அமைத்துக்கொடுத்தனர். இதில் 27 ரன்கள் எடுத்திருந்த நிலையில் ரஹ்மனுல்லா குர்பாஸ் தனது விக்கெட்டை இழந்தார்.
அவரைத்தொடர்ந்து 34 ரன்கள் சேர்த்திருந்த நிலையில் ஏஞ்சலோ பெரேரா காயம் காரணமாக ரிட்டையர்ட் ஹர்ட் முறையில் பெவிலியன் திரும்பினார். அதன்பின் களமிறங்கிய கிளென் பிலிப்ஸ் ஒருபக்கம் அதிரடியாக விளையாடி ஸ்கோரை உயர்த்த, மறுபக்கம் களமிறங்கிய கேப்டன் திசாரா பெரேரா, சமரவிக்ரமா, தனஞ்செயா, கருணரத்னே ஆகியோர் அடுத்தடுத்து விக்கெட்டுகளை இழந்தனர். பின்னர் அரைசதம் கடந்த நிலையில் கிளென் பிலிப்ஸும் 58 ரன்களோடு நடையைக் கட்ட, கொழும்பு ஸ்டிரைக்கர்ஸ் அணி 20 ஓவர்கள் முடிவில் 8 விக்கெட்டுகளை இழந்தாலும் 188 ரன்களைக் குவித்தது.
Related Cricket News on Glenn phillips
Cricket Special Today
-
- 08 Jun 2026 08:38
-
- 07 Jun 2026 11:35
